Super Liga Shqiptare

Rezultatet e fundit





24.12.2006
Teuta
Besa Kavaje
1-0
23.12.2006
Apolonia Fier
SK Tirana
0-2
23.12.2006
Dinamo Tirana
Elbasani
2-1
23.12.2006
Luftetari Gjirokaster
Flamurtari Vlore
0-0
23.12.2006
Partizani
Shkumbini
2-0
23.12.2006
Vllaznia
Kastrioti Kruje
2-1
17.12.2006
SK Tirana
Partizani
3-2
17.12.2006
Besa Kavaje
Apolonia Fier
2-1
17.12.2006
Flamurtari Vlore
Kastrioti Kruje
2-0
17.12.2006
Luftetari Gjirokaster
Teuta
2-1
16.12.2006
Shkumbini
Dinamo Tirana
0-1
16.12.2006
Elbasani
Vllaznia
0-1

Klasifikimi





Team GP PTS W D L G F G A +/-

1.SK Tirana 17 37 11 4 2 3 6 2 0 16

2.Teuta 17 31 8 7 2 2 0 1 2 8

3.Vllaznia 17 29 8 4 2 2 1 6 6

4.Partizani 17 27 6 2 0 1 4 6

5.Elbasani 17 28 7 1 7 1 7 0

6. Dinamo Tirana17 24 7 3 7 1 9 1 9 0

7. Luftetari Gjirokaster12 26 4 14 16-2

8.Flamurtari Vlore 17 21 6 3 8 2 31 9 4

9. Kastrioti Kruje17 21 5 6 6 1 9 25-6

10.Besa Kavaje 11 9 47 61 4 18-4

11.Shkumbini 17 12 33 1 11 25-10

12.Apolonia Fier1711 32 12 14 32-18

Shkodranët "vuajnë" disfatat në "Loro Boriçi"
luard kullolli {skorpionsking}



Nëse sot Vllaznia është e treta në renditje, të gjithë janë të bindur se ajo meritonte më tepër. Kjo nisur nga paraqitjet që ka bërë në fushë, por asaj i është dashur të vuajë shumë gabimet në "Loro Boriçi". Duke lënë mënjanë barazimin me Tiranën, që është një rezultat i drejtë, barazimi tjetër me Flamurtarin dhe mbi të gjitha humbja me Apoloninë janë të pafalshme. Rezultate këto që kanë ardhur mbi të gjitha nga mendjemadhësia shkodrane, e cila është demonstruar edhe në raste të tjera te kjo skuadër. Mjaftojmë këtu të përmendim vetëm fitoret e minutave të fundit me Shkumbinin dhe Kastriotin. Vllaznia nuk është skuadra që i ka të sigurta pikët në shtëpi. Ajo, përkundrazi, luan me këtë fakt dhe herë pas here e ka pësuar. Vetëm 5 pikët e lëna me Flamurtarin dhe Apoloninë të ishin sot të llogaritura, kuqeblutë do të ishin të dytët në renditje vetëm një hap larg Tiranës. Pa harruar këtu dy pikët e lëna në Krujë, pas gafës së madhe të portierit gjerman Pfanenstiel.

Lici, mbrojtësi-shënues më i mirë
Ky është një nga realitetet e Vllaznisë. Pikërisht një mbrojtës (në të vërtetë është mesfushor i mirëfilltë, por këtë kampionat ka luajtur më tepër në mbrojtje) ka shënuar më shumë se askush tjetër në skuadrën shkodrane, plot 6 gola. Ai është shfaqur sërish protagonist, ndonëse në pjesën e parë të këtij kampionati raportet e tij me gjermanin Shulze nuk ishin të mira. Gjithsesi, 32 vjeçari tregoi edhe një herë tjetër vlerat e tij të vërteta, duke u shfaqur si protagonist i vërtetë në të gjitha ndeshjet e Vllaznisë. Në këtë mënyrë, duket se këtë kampionat Lici do të kërkojë të thyejë edhe një rekord të vetin personal, për të kaluar numrin 8 të golave (më i shumti) që pat shënuar në sezonin 1995 1996, kur ekipi drejtohej nga Sabah Bizi. Pas Licit, shënuesit më me tepër gola janë Sukaj me 4 dhe Bejzade e K.Dalipi me nga 3 gola.

Objektivi i Vllaznisë, ndeshje pas ndeshjeje




Pas Shulzes kthehet në vend dinjiteti i kuqebluve. Në këtë mënyrë mund të perifrazohen 17 javët e kampionatit për kuqeblutë e Vllaznisë. Me të parin në stol, ata kanë arritur të grumbullojnë vetëm 14 pikë në 11 ndeshje të luajtura, ndërkohë që me ardhjen e Josës gjërat kanë ndryshuar. Në vetëm 6 ndeshje, tiranasi ka arritur të "parakalojë" gjermanin, duke grumbulluar plot 15 pikë. Vetëm këto shifra mjaftojnë të kuptosh se cilat janë diferencat mes dy njerëzve që u përzgjodhën për të drejtuar këtë skuadër këtë sezon. Shulze dallohej për përgatitjen e shkëlqyer fizike që bënte me futbollistët, ndërkohë që punën e tij e bazonte më tepër te të rinjtë. Madje një e metë e madhe e punës së tij ishte fakti që ai futi në konflikt të vjetrit me të rinjtë. Duke u thënë këtyre të fundit se nuk keni asnjë ndryshim prej atyre me moshë më të madhe, gjërat në skuadër filluan të përkeqësohen. Josa ndërkohë vepron ndryshe, kërkon të mbajë gjithnjë nën presion të rinjtë, duke u thënë se, nëse doni të bëheni një ditë futbollistë, duhet të mësoni prej atyre më me përvojë që keni në skuadër. Përveç kësaj, Shulze futet në konflikt me Licin, të cilit i heq shiritin e kapitenit, përplaset edhe me Dalipin e Doçin, që i lë herë pas here edhe jashtë 18 shes, nuk vlerëson Grimën etj. Ndërkohë, pasardhësi i tij vepron në mënyrë më të zgjuar: thërret madje të japë kontributin e tij për skuadrën edhe malazezin Miliç, që ishte i pezulluar, po ashtu u jep mundësinë të gjithëve të tregojnë vlerat e veta. Ky është ndryshimi dhe rezultati erdhi, pa harruar pastaj faktin tjetër, se në gabimet e gjermanit Shulze "mëkati" që e rëndoi shumë ishte besimi i tepruar te një bashkatdhetar i tij, që kishte ardhur për të mbrojtur portën, por që e ndëshkoi shumë Vllazninë me "gafat" e tij. Në këtë mënyrë ndërrimi në stol solli edhe rezultatet e munguara për shkodranët, aq sa tashmë bashkë me to u kthye në vendin e vet edhe dinjiteti i humbur i kuqebluve.


Fushaj: Vllaznia, e sigurt në kupat e Europës
Nisur nga rezultatet që ka arritur skuadra që ai sponsorizon, presidenti Valter Fushaj është pjesërisht i kënaqur. Sidomos nga pikët e lëna prej saj në javët e para të kampionatit. "Bosi" i kuqebluve e ka kuptuar në njëfarë mënyre se shkaktari i kësaj situate është gjermani Ulrih Shulze. Mënyra e drejtimit të skuadrës prej tij nuk ka qenë ajo e duhura dhe për pasojë ardhja e Mirel Josës i ka zënë vendin. Për të gjitha këto presidenti shkodran është shprehur në intervistën e tij për "Sportin shqiptar":
A jeni i kënaqur me ecurinë e skuadrës suaj në këto 17 javë kampionat, teksa ajo renditet e treta, pas Tiranës dhe Teutës?
Të them të drejtën, kam pritur më tepër nga skuadra nisur nga investimet që janë bërë për të. Sidomos kanë lënë për të dëshiruar rezultatet në fazën e parë, teksa lamë shumë pikë rrugës, ndërkohë që në javët e fundit diçka u baraspeshua në këtë drejtim dhe prandaj jam i kënaqur që tashmë jemi të tretët.
Në atë nisje jo të mirë të kampionatit, a mund të thuhet se ajo erdhi ngaqë ju e morët me vonesë presidencën e klubit?
Kjo është një nga arsyet kryesore, sepse disa nga këto pikët e lëna janë të kushtëzuara edhe nga nisja me vonesë e punës, ngaqë unë e mora presidencën me vonesë. Gjeta në skuadër vetëm 4 lojtarë të rinj, që ishin ende në kontratë, dhe asnjë tjetër. Gjeta një stadium ku kullosnin kuajt dhe një fushë stërvitjeje jashtë përdorimit. Prandaj iu përveshëm menjëherë punës për të bërë më të mirën dhe kësisoj edhe gabimet që mund të kemi bërë rrugës janë të justifikueshme.
Në platformën tuaj, sapo morët presidencën, patët shpallur si objektiv kryesor kthimin e gjithë futbollistëve shkodranë te Vllaznia. Pse nuk ndodhi kjo?
Ishte vonë, sepse shumë prej tyre kishin firmosur me skuadrat e tjera, megjithatë ekipi u ndërtua dhe jam i kënaqur që shumicën aty e përbëjnë shkodranët.
A jeni i penduar që zgjodhët trajnerin Shulze për të drejtuar ekipin?
Tashmë që kanë kaluar disa kohë, e pranoj që me të kam gabuar. Mbi të gjitha, sepse ai na solli në ekip edhe një portier si Pfanenstiel, që vetëm portier nuk ishte. Gjithsesi, disiplina sportive dhe përgatitja fizike që bënte Shulze ishin të shkëlqyera dhe kësisoj ka edhe meritat e veta, përveç gabimeve.
Ndërkohë e keni konsideruar fat shkëputjen e Josës nga Tirana në ato momente kur gjërat nuk shkonin mirë te Vllaznia dhe nxituat ta "rrëmbenit". Mendoni sërish kështu?
Pa as më të voglin dyshim, që ishte fat për ne që Tirana vendosi ta largonte. Unë e mora vesh shpejt, kontaktova me të dhe ai u tregua shumë i gatshëm të vinte te Vllaznia për të punuar dhe këtë po e tregon më së miri me punën që po zhvillon.
Do të kishit dashur ta kishit Josën që në fillim të sezonit?
Nuk di si të përgjigjem, sepse gjërat nuk janë në dorën e një njeriu. Mirelin e njoh nga afër prej dy vitesh dhe, me sa di unë, ai është një trajner që nuk premton shumë, por ka dëshirë që premtimet t'i mbajë me punë dhe këtë po e vërteton.
Aktualisht renditeni të tretët, vetëm 2 pikë larg Teutës dhe 8 pikë larg Tiranës. Cili do të jetë objektivi i Vllaznisë në kampionat, vendi i dytë apo do të pretendojë të kapë edhe Tiranën?
E them me bindje të plotë se, nëse Vllaznia gjykohet me drejtësi, si në ndeshjet brenda, ashtu edhe jashtë, rezultatet e saj do të vijnë gjithnjë në rritje. Objektivi ynë është të shohim ndeshje pas ndeshjesh.
Në fillim të sezonit premtuat se kuqeblutë do të jenë në kupat e Europës. I përmbaheni ende kësaj deklarate?
Jam shumë i bindur se do të ndodhë kështu dhe për këtë nuk kam as më të voglin dyshim.
Ndërkohë keni firmosur me Miroçin. Do të ketë të tjera përforcime?
Do të tentojmë deri në fund që të marrim edhe ndonjë lojtar tjetër. Përveç Miroçit, do të mund të marrim edhe ndonjë lojtar nga Buduçnosti, ndërkohë që ende nuk ka marrë zgjidhje problemi i Gudjabit.
Vazhdoni ta prisni sërish atë?
Kam një kontratë të firmosur me këtë lojtar dhe po ashtu i kam dhënë edhe një shumë parash. Por nëse drejtuesit e Dinamos pretendojnë se kanë të nënshkruara 3, apo 6 kontrata me këtë lojtar, ta mbajnë. Unë di që është e vlefshme vetëm kontrata me presidentin. Por, siç e thashë, nëse e duan aq shumë, ta mbajnë dhe të më kthejnë lekët që i kam dhënë. Ndryshe do të hapë gjyq për këtë çështje.

Teuta, sa e sukseshme në transfertë!

Ekipi i Teutës së Durrësit e ka mbyllur vitin 2006, duke u pozicionuar në vendin e dytë të tabelës së klasifikimit. Një pozicionim i mirë për "djemtë e detit", që një sezon më parë shpëtonin nga rënia prej superligës vetëm përmes ndeshjes së "play out" it me ekipin e Skënderbeut. Teuta e ka nisur sezonin nën drejtimin e një prej trajnerëve më të mirë të kampionatit shqiptar të futbollit, si Sulejman Starova, dhe me një grup të përforcuar futbollistësh me emër, si Vrapi, Tetova, Devolli, Xhafaj, Brahja, si dhe me një grup ekzistues me kualitete të tilla, si Kapllani, Mancaku etj. Teuta e fillon vrullshëm kampionatin, kur që në takimin e parë me ekipin e Dinamos shpartallon djemtë e Sejdinit 3 1 në "Qemal Stafa". Një nisje e mirë për Teutën, që merr kreun e tabelës së klasifikimit, por që nuk mundi ta mbante dot më tej, pasi është Tirana që në javët në vazhdim merr supremacinë. Barazimet me Partizanin dhe Luftëtarin u kushtojnë durrsakëve lënien e kreut, por si rrallëherë Teuta do të dominojë në ndeshjet në transfertë, duke mposhtur ekipe si Flamurtari, Shkumbini. Teuta është ekipi që rezistoi më gjatë pa pësuar humbje, për t'u mposhtur vetëm nga ekipi i Partizanit. Durrsakët për pak sa nuk i morën tripikëshin edhe Tiranës, duke e dominuar takimin, por një gol i Dedes shpëton Tiranën nga një humbje e sigurt. Në Durrës, Teuta thyen Vllazninë, Elbasanin, Flamurtarin, Besën, Apoloninë, në një kohë që humbjen e dytë e pëson në Gjirokastër, një humbje e diskutueshme për vetë pretendimet që kishin durrsakët për njëanshmëri të gjykimit dhe për dhunë në stadium, ku mbrojtësi Endri Vrapi u godit me tullë, duke dalë nga fusha e lojës. Kjo humbje u kushton durrsakëve shkëputjen nga Tirana, në një kohë që fitorja e fundit në vitin 2006 me Besën e ngushton diferencën në 6 pikë. Teuta është ekipi që ka pësuar më pak gola (12), duke pasur edhe mbrojtjen më të mirë të kampionatit, por edhe ka shënuar pak, 20 gola, ose 3 gola më pak se Flamurtari i vendit të 8 të.

D.Xhafaj, goleadori i "djemve të detit"
Golashënuesi më i mirë i durrsakëve është Daniel Xhafaj, me 8 gola. Teuta ka arritur 8 fitore, 7 barazime dhe 2 humbje, me golavarazh 20 12. Brenda fushës durrsakët kanë arritur 5 fitore, 4 barazime dhe asnjë humbje, me një golavarazh 8 2, në një kohë që jashtë fushe kanë arritur 3 fitore, 3 barazime dhe 2 humbje, me një golavarazh 12 10. Teuta spikati në kampionat si një ekip racional, që me përjashtim të takimit me Dinamon, pjesën tjetër të takimeve i fitoi me diferencë të një goli, duke pasur një mbrojtje hermetike, por edhe një sulm të rrezikshëm. Pika më e dobët e durrsakëve ka qenë mesfusha, e cila me ardhjen e Bledi Shkëmbit pritet që të jetë një armë më shumë në duart e Starovës, që në një farë mënyre ka qenë dhe çelësi i suksesit të "djemve të detit

Nr
Ekipi
P
F
B
H

1
Tirana
34
10
4
2

2
Teuta
28
7
7
2

3
Vllaznia
26
7
5
4

4
Elbasani
26
8
2
6

5
Partizani
24
6
6
4

6
Dinamo
21
6
3
6

7
Luftetari
21
6
3
7

8
Kastrioti
21
5
6
5

9
Flamurtari
20
6
2
8

10
Besa
19
4
7
5

11
Shkumbini
12
3
3
10

12
Apolonia
11
3
2
11

Bistika: Po punohet për një ekip kompetitiv




Dje përsëri aneksi i stadiumit "Loni Papuçiu" ka pasur mbipopullim futbollistësh. Në fillim të stërvitjes trajneri Andrea Marko u ka kushtuar rëndësi disa veprimeve tekniko fizike të futbollistëve. Pastaj skuadra ka zhvilluar një takim përgatitor me skuadrën e të rinjve që drejtohet nga Andrea Tanaka. Marko ka vendosur në 11 shen e tij këta futbollistë: Zendeli, Miçkov, Shoshi, Bega, Sulejmani, Vrenozi, Meto, Rrushani, Bratja, Jakimoski dhe Plaku. Gjatë zhvillimit të ndeshjes trajneri Marko ka zëvendësuar maqedonasin Miçkov me futbollistin lushnjar Dritan Çuko, që tashmë është zyrtarizuar me bardhëjeshilët e Apolonisë. Gjithashtu tiranasi ka futur në lojë si fillim edhe futbollistin Gërço, që tashmë pas riaftësimit, po e merr veten shumë shpejt, duke treguar se është një futbollist i dobishëm për skuadrën. Në stërvitjen e djeshme pothuajse kanë qenë të pranishëm të gjithë drejtuesit më të lartë të klubit, si drejtori ekzekutiv Kujtim Hajdari dhe sekretari Liu Bistika. I pyetur për lëvizjet më të fundit në ekipin që ai drejton, sekretari i klubit fierak Liu Bistika thotë: "Siç edhe kemi njoftuar në faqet e gazetës "Sporti shqiptar", ditët e fundit ka pasur lëvizje të mëdha lidhur me afrimin e futbollistëve pranë ekipit tonë. Jo vetëm menaxherët e skuadrës, por edhe shumë miq të skuadrës sonë kanë sjellë për t'u provuar disa futbollistë, të cilët, nëse rezultojnë të suksesshëm, do të aktivizohen në ndeshjet e mbetura të superligës. Do të jenë trajnerët e skuadrës që do të vendosin për emrat e futbollistëve, gjithnjë pas një vëzhgimi të hollësishëm. Paralelisht me përgatitjet e skuadrës, do të fillojë edhe zhvillimi i disa ndeshjeve të kontrollit, ku do të na jepet mundësia të shikojmë përgatitjet dhe gjendjen e disa futbollistëve, për të cilët ende nuk është dhënë një përgjigje e saktë. Kështu, ditën e shtunë ekipi do të udhëtojë drejt qytetit të Ballshit, ku kundërshtari i radhës do të jetë Bylisi. Më pas, ditën e mërkurë, do të jetë takimi tjetër përgatitor, që do ta zhvillojmë ndaj skuadrës kampione të fazës së parë në kategorinë e dytë, Cakrani. Të dyja këto ndeshje do të luhen në orën 14:00 dhe do të jetë një test për shumë futbollistë. Kemi zgjedhur skuadra të kësaj kategorie, në mënyrë që ta fillojmë gradualisht, por kjo nuk do të thotë se do të luajmë ndaj kundërshtarëve të lehtë. Pra, nga ajo që konstatohet lehtë, është se po punohet për një ekip kompetitiv, i cili të jetë i gatshëm në rifillimin e ndeshjeve të superligës, duke kërkuar kthesën e shumëpritur nga të gjithë." Ndërkohë që pritej ardhja e brazilianëve sot në stërvitje, është konfirmuar vetëm rikthimi i Zheralidinjos. Për futbollistët e tjerë brazilianë, mungesa e biletave e ka shtyrë për datën 24 janar ardhjen e tyre. Një lajm jo i mirë për trajnerin Marko, që do të ketë shumë pak kohë në dispozicion për të parë futbollistët nga vendi i sambës.